主页 > 电视领域 >汪明荃「波波头」造型成焦点 盘点6位春丽头造型出镜艺人 >

汪明荃「波波头」造型成焦点 盘点6位春丽头造型出镜艺人

TVB服装部同化妆部同事一向专业又有创意就係人都知,日前TVB综艺节目《娱乐大家》拍摄新一集,皇牌主持汪明荃梳咗个「春丽头」,成功抢去所有人嘅焦点!回想过去,历年都有唔少圈中艺人都梳过「春丽头」,但最爆嘅一位一定係……

盘点6位春丽头造型出镜艺人

|汪明荃

话说日前TVB综艺节目《娱乐大家》开厂拍新一集,该集就邀请到刚刚喺峇里举办婚礼嘅黄翠如做嘉宾,一齐大玩游戏。点知,71岁嘅汪明荃就喺该集以「春丽头」登场,睇到唔少人都哗哗声,呀姐果然够前卫!不过最重要係够勇!

汪明荃「波波头」造型成焦点  盘点6位春丽头造型出镜艺人
除咗两个大波波喺头上,呀姐一身衣着都非常独特!

就连身为嘉宾嘅翠如BB都忍唔住喺呀姐个IG度留言:「可爱波波女皇look」,而吴若希亦都留言大讚呀姐……个髮型,指:「好靓呀~好可爱啊个髮型!」真係有声有画面。

汪明荃「波波头」造型成焦点  盘点6位春丽头造型出镜艺人 汪明荃「波波头」造型成焦点  盘点6位春丽头造型出镜艺人

|郑秀文

一向造型大胆、前卫嘅郑秀文(Sammi)同样试过以「春丽头」出席活动,不过当时就被网民指Sammi係咪得罪咗造型师,皆因一身又红又绿又黄嘅服装非常大妈风格,但亦有网友讚Sammi似中国娃娃~

汪明荃「波波头」造型成焦点  盘点6位春丽头造型出镜艺人

|苑琼丹

其实「春丽头」都唔係得啊姐先敢梳完出镜嘅,喺1993年嘅电影《超级学校霸王》中,苑琼丹因变身做春丽妈妈而以「春丽头」出场!不过,当年统粹喺苑琼丹嘅短髮上放两个红色髻,所以还原度始终差啲。

汪明荃「波波头」造型成焦点  盘点6位春丽头造型出镜艺人 汪明荃「波波头」造型成焦点  盘点6位春丽头造型出镜艺人

|邱淑贞

讲到「春丽头」,女神邱淑贞一定走唔甩係香港嘅表表者!皆因无论无颜值定还原度都相当高,加上当年活泼可爱嘅造型,的确成功迷到唔少人!

汪明荃「波波头」造型成焦点  盘点6位春丽头造型出镜艺人

汪明荃「波波头」造型成焦点  盘点6位春丽头造型出镜艺人

|林淑敏

TVB热播嘅处境剧《回家之开心速递》中,饰演大小姐嘅林淑敏亦都试过cosplay春丽,大小姐仲尝试使出千裂脚!唔少网友仲笑言大小姐喺剧中要改名做「龙春丽」,睇嚟大家都好接受到呢个版本嘅春丽!

汪明荃「波波头」造型成焦点  盘点6位春丽头造型出镜艺人 汪明荃「波波头」造型成焦点  盘点6位春丽头造型出镜艺人

|成龙

可惜,即使以上曾以「春丽头」示人嘅女艺人都一定唔够成龙爆!1993年,成龙于电影《城市猎人》中就扮过春丽!电影中嘅成龙造型可谓跟足春丽造型,而且成龙仲特登化埋个靓妆,电眼十足,姿态撩人,相当妩媚!

汪明荃「波波头」造型成焦点  盘点6位春丽头造型出镜艺人

汪明荃「波波头」造型成焦点  盘点6位春丽头造型出镜艺人

相关推荐